Rasijskuju śpiavačku Manietačku abjavili ŭ vyšuk
U studzieni 2023-ha Lizavietu Hyrdymava (sapraŭdnaje imia Manietački) abjavili zamiežnym ahientam u Rasii za toje, što artystka źbirała srodki dla Ukrainy. Paźniej suprać śpiavački zaviali kryminalnuju spravu za nievykanańnie abaviazkaŭ inaahienta: Manietačka praciahvała raspaŭsiudžvać materyjały ŭ siecivie biez markiroŭki.
19.10.2024 / 17:16
Lizavieta Hyrdymava ŭžo daŭno źjechała z Rasii, adnak ciapier na radzimie śpiavačcy pahražaje da 2 hadoŭ pazbaŭleńnia voli.
Na navinu ab vyšuku Manietačka adreahavała ŭ svaim telehram-kanale paviedamleńniem, što joj usio adno.
Niadaŭna Manietačka pabyvała na šou «O(b)suždajem», dzie raskazała pra svaje biełaruskija karani.
«U majoj babuli karani ź Biełarusi. I jana zaŭsiody heta padkreślivaje, lubić i zaŭsiody prosić pieradać heta i ŭdakładnić, što taksama da vas trochi naležym. Jana ŭsio žyćcio hetym hanaryłasia i mianie navučyła hetym hanarycca. Ja vas lublu. Vy adna z najlepšych nacyj na śviecie», — adznačyła śpiavačka.
U Rasii zaviali kryminalnuju spravu na śpiavačku Manietačku
Manietačka raskazała pra svaje biełaruskija karani
«Kałab vieku!» Manietačka źniała rolik pad chit niaviestki Łukašenki