Biełarusa Dźmitryja Łukomskaha pieraviali ŭ słavackuju turmu
Učora źjaviłasia infarmacyja pra zatrymańnie ŭ Słavakii kolišniaha homielskaha aktyvista «Krainy dla žyćcia» Dźmitryja Łukomskaha. Vydańnie «Fłahštok» daviedałasia ŭ jahonaj žonki Vijalety Majšuk, što ciapier čuvać pa hetaj spravie.
19.10.2024 / 16:52
«Hutarka ŭ palicyi zaviaršyłasia a 3-j hadziny nočy, Dźmitryja pakinuli ŭ izalatary i ranicaj pavinny byli etapavać u turmu ŭ nasielenym punkcie Siečaŭcy. Jamu pradjavili abvinavačvańni, što jon pahražaŭ nažom, nie davaŭ prachodzić supracoŭnikam i navat inšym bienieficyjaram [asobam, jakija pražyvajuć u łahiery biežancaŭ]», — havoryć žančyna.
Vijaleta ličyć, što Dźmitryj Łukomski byŭ zatrymany z-za, jak jana śćviardžaje, chłuślivych abvinavačvańniaŭ z boku adnaho ź biežancaŭ, jakija žyvuć u łahiery.
Na hety momant intaresy Łukomskaha pradstaŭlaje słavackaja jurystka — śpiecyjalistka ź Lihi pa pravach čałavieka.
Dźmitryj Łukomski — palituciakač z Homiela, paśla znachodžańnia va Ukrainie jon pierajechaŭ u Słavakiju, dzie apynuŭsia ŭ łahiery dla biežancaŭ.
U Słavakii palicyja zatrymała biełarusa
Zavočna buduć sudzić mastačku Vijaletu Majšuk
U Sierbii skasavali pastanovu ab ekstradycyi ŭ Biełaruś režysiora Andreja Hniota