Alaksandru Pamidoravu ŭžo sabrali 6 000 jeŭra
Na dapamohu śpievaku Alaksandru Pamidoravu, jaki pieražyvaje ciapier nie najlepšyja časy ŭ emihracyi i zarabiŭ sabie chvaroby na budoŭlach, za sutki sabrali sumu ŭdvaja bolšuju za patrebnuju.
19.10.2024 / 13:03
Pa stanie na 13:00 suboty sabrana 6 163 jeŭra z zajaŭlenych 3 000 jeŭra.
Alaksandr Pamidoraŭ źjechaŭ ź Biełarusi ŭ śniežni 2021 hoda, a ciapier surjozna zachvareŭ — dvuchbakovy siaredni atyt, praz što jon nie čuje narmalna.
«Sprava ŭ tym, što ja surjozna zachvareŭ — u mianie dvuchbakovy siaredni atyt, praz što ja nie čuju narmalna. A toje, što čuju, nie maje ničoha ahulnaha z tym, jak jano musić hučać. Aproč taho, źjavilisia prablemy z sustavami noh, i zaraz ja nie mahu vykonvać fizičnuju pracu, jakoj zarablaŭ na žyćcio apošnija čatyry hady — jak u Biełarusi, tak i za miažoj. A praz prablemy z vušami, ja nie zmahu vystupać z kancertami bližejšym časam. Mnie treba apłacić arendu žylla, nabyć leki i chacia b bazavy nabor praduktaŭ, kab padtrymlivać siły», — kaža Alaksandr.
Muzyka Alaksandr Pamidoraŭ zachvareŭ — i prosić dapamohi
Hrošy dla dapamohi śpievaku Pamidoravu sabrali za 180 chvilin