Boŭł z kuskusam, jajkami i harodninaj na śniadanak
Sytny śniadanak pierad doŭhim špacyram u vychadny.
26.10.2024 / 08:18
Fota: healthyfood.com
Składniki na 2 porcyi śniadanku z kuskusam, jajkami i harodninaj:
- 3 jajki
- 80 h kuskusu (vaha da hatavańnia)
- 1 maleńki kabačok
- 1 cybulina
- pałova čyrvonaha piercu
- pałova žoŭtaha piercu
- 1 vialiki pamidor
- pałova zialonaha ahurka
- 100 h zielaniny, jakaja vam padabajecca
- niekalki łyžak pasty sa smažanym bakłažanam abo inšaha sousu / pasty
- 40 h alivak
Dla pasypki: nasieńnie čornaha kmienu, raskryšany syr fieta, śviežaje liście baziliku
Jak hatavać:
- Jajki zvarycie ŭśmiatku. Astudzicie, abłupicie i akuratna razrežcie napałovu.
- Kuskus pryhatujcie pavodle instrukcyi na ŭpakaŭcy.
- Kabačok i cybulu narežcie kružočkami, pierac — pałoskami. Absmažcie abo zapiačycie harodninu da miakkaści.
- Pamidor narežcie bujnymi kubikami, ahurok — paŭkołcami.
- U misku pakładzicie zielaninu, kuskus, jajki i harodninu. U centr dadajcie porcyju pasty/sousu, dadajcie aliŭki, pasypcie čornym kmienam, fietaj i bazilikam. Padavajcie adrazu paśla hatavańnia.
Adkul uziałasia moda na boŭły i jak samomu skłaści boŭł
Top amletaŭ, jakija nie pakinuć vas abyjakavymi. Recepty
Śniadanak, dziela jakoha chočacca pračnucca: bliny z syram i zielaninaj