Пасажырскі цягнік Гомель — Мінск збіў сёння лася
У выніку цягнік прыбыў са значным спазненнем у сталіцу.
19.10.2024 / 09:10
Інцыдэнт адбыўся ў 3:25 у Калінкавіцкім раёне, паведамляе тэлеграм-канал Беларускай чыгункі.
«На перагоне Савічы — Бярэзіна адбылося сутыкненне пасажырскага цягніка №621 Гомель — Мінск з дзікай жывёлай», — гаворыцца ў паведамленні.
У выніку здарэння цягнік ішоў з адхіленнем ад устаноўленага графіка. Цягнік прыбыў у Мінск са спазненнем на дзве гадзіны і 40 хвілін.