«Jak jahnia vykonvaŭ ich «parady». Telefonnyja machlary abduryli Malavanyča
Akcior i televiadučy Alaksandr Ždanovič, najbolš viadomy jak Malavanyč z «Kałychanki», raskazaŭ na svajoj staroncy ŭ fejsbuku, jak niespadziavana staŭ achviaraj telefonnych machlaroŭ.
18.10.2024 / 23:04
Alaksandr Ždanovič (Malavanyč). Fota z fejsbuka
«Mianie papiaredžvali, ale ja «trapiŭ» jak dzicionak. Pracujuć vielmi prafiesijna. Zvoniać pa telefonie. Nazyvajucca pracaŭnikami banka. Kažuć, što była sproba z vašaha rachunka źniać hrošy. Dla abarony treba nazvać heta i heta… Potym bankinh akazvajecca zabłakavanym.
I ja hałavoj razumieŭ, što padobna na ašukanstva. Ale jak jahnia vykonvaŭ ich «parady». Usio vielmi chutka!
Kali spachapiŭsia — pateliŭ u bank. Sapraŭdnyja pracaŭniki rachunak zabłakavali. Kartku skazali vykinuć. Ale što tam z hrašyma… U paniadziełak pajdu raźbiracca. Mahčyma, ja staŭ lohkim, jak pavietrany šaryk…», — napisaŭ akcior.
Z-za hetaha incydentu sarvałasia mierapryjemstva z udziełam Alaksandra Ždanoviča. Viečaram 18 kastryčnika jon pavinien byŭ u varšaŭskim Biełaruskim moładzievym chabie pravieści viečar batlejki. Adnak machlary patelefanavali akurat tady, kali jon źbiraŭsia tudy jechać.
Źjaviŭsia videakurs dla školnikaŭ «Hieahrafija z Malavanyčym»
Malavanyč źjazdžaje z Hruzii. Kudy i čamu?
Dzieciam Malavanyča skazali «čakać haściej»