Uźnik pažar u adnym z najbujniejšych handlovych centraŭ Hrodna
Mocnaje zadymleńnie ŭźnikła ŭnutry handlovaha centra «Karona» na praśpiekcie Kasmanaŭtaŭ u Hrodnie.
18.10.2024 / 21:06
Skrynšot ź videa
Naviedvalnikaŭ i piersanał evakujavali, na miescy pracujuć ratavalniki.
Pryjechali taksama mašyny chutkaj dapamohi.
Nieŭzabavie pažar byŭ likvidavany, paviedamili ŭ MNS.
«Paśla prybyćcia ratavalnikaŭ da miesca incydentu ačah uzharańnia znachodziŭsia ŭ punkcie hramadskaha charčavańnia», — paviedamili ŭ viedamstvie.
Usiaho z handlovaha centra Byli evakujavanyja 24 čałavieki, u tym liku 3 dziciaci. Paciarpiełych niama. Pryčyna zdareńnia vyśviatlajecca.