Узнік пажар у адным з найбуйнейшых гандлёвых цэнтраў Гродна
Моцнае задымленне ўзнікла ўнутры гандлёвага цэнтра «Карона» на праспекце Касманаўтаў у Гродне.
18.10.2024 / 21:06
Скрыншот з відэа
Наведвальнікаў і персанал эвакуявалі, на месцы працуюць ратавальнікі.
Прыехалі таксама машыны хуткай дапамогі.
Неўзабаве пажар быў ліквідаваны, паведамілі ў МНС.
«Пасля прыбыцця ратавальнікаў да месца інцыдэнту ачаг узгарання знаходзіўся ў пункце грамадскага харчавання», — паведамілі ў ведамстве.
Усяго з гандлёвага цэнтра Былі эвакуяваныя 24 чалавекі, у тым ліку 3 дзіцяці. Пацярпелых няма. Прычына здарэння высвятляецца.