U Słavakii palicyja zatrymała biełarusa
Pra zatrymańnie ŭ Słavakii kolišniaha homielskaha aktyvista «Krainy dla žyćcia» Dźmitryja Łukomskaha paviedamlaje vydańnie «Fłahštok». Jaho adpravili pad vartu ŭ horadzie Banska-Bistryca ŭ centralnaj Słavakii.
18.10.2024 / 19:07
Dźmitryj Łukomski. Skrynšot ź videa
Aktyvist zapisaŭ videazvarot, nakiravaŭ hramadskaści, Śviatłanie Cichanoŭskaj i jaje kabinietu.
Pa słovach Dźmitryja Łukomskaha, pryčynaj zatrymańnia stała nibyta jahonaja pravaabarončaja dziejnaść, jakuju jon raspačaŭ ŭ łahiery dla biežancaŭ paśla pierajezdu z Ukrainy.
Žonka zatrymanaha, Vijaleta Majšuk, raskazała «Fłahštoku» pra abstaviny zatrymańnia:
«Zajšła palicyja, skazała, što vy jedziecie z nami ŭ palicyju, a potym u inšy łahier zakrytaha typu. Pry hetym nijakich dakumientaŭ nie pradjaŭlali, tolki skazali, što Dzima niebiaśpiečny, bo na jaho skardzilisia supracoŭniki łahiera. Ale heta niapraŭda, heta pomsta za toje, što my aktyŭnyja i źviartajem uvahu na pamyłki pracaŭnikoŭ łahiera».
Pa stanie na 18:00 suviazi z aktyvistam i jurystam, što pradstaŭlaje jaho intaresy, nie było.
Zialenski ŭpieršyniu pahavaryŭ z premjeram Słavakii
Premjer Słavakii namiaknuŭ na chutkaje zakančeńnie vajny va Ukrainie: naviny mahčymyja ŭžo zaŭtra
Premjeru Słavakii Ficu dasłali kanviert z kulaj