Nieŭzabavie źjavicca «Dziuna» pa-biełarusku
Vydaviectva «Januškievič» paviedamiła pra zaklučeńnie kantraktu na biełaruskaje vydańnie kultavaha ramana Frenka Hierbierta «Dziuna» Tekst ramana pierakłaŭ Ihar Kulikoŭ.
18.10.2024 / 18:29
«Apublikavanaja ŭ 1965 hodzie «Dziuna» — heta nie prosta epičnyja pryhody na biaźludnaj płaniecie, a prazorlivaje daśledavańnie palityki, relihii, ekałohii i čałaviečych ambicyj. U «Dziunie» zakranajucca składanyja temy ŭłady, vyžyvańnia i achovy navakolnaha asiarodździa, jakija siońnia aktualnyja jak nikoli.
Raman Hierbierta paŭpłyvaŭ na mnostva inšych tvoraŭ navukovaj fantastyki, ad «Zornych vojnaŭ» da sučasnaj litaratury.
Biełaruski pierakład dazvolić našym čytačam pa-novamu zirnuć na hety šedeŭr fantastyki, viečnaje zmahańnie pamiž čałaviectvam i pryrodaj, technałohijami i tradycyjami», — piša vydaviectva.
Z vychadam biełaruskaj «Dziuny» abiacajuć dakładna paśpieć da treciaj častki ekranizacyi Deni Vilniova.
Sajt Knihauka.com pierastaŭ adkryvacca ź Biełarusi
Vydaviectva «Januškievič» atrymała prestyžnuju amierykanskuju premiju
Staŭ viadomy šort-list litaraturnaj Premii Ježy Hiedrojcia. Chto trapiŭ u vynikovuju šaściorku?