Čamu pry abmienach ciełaŭ ukraincaŭ bolš, čym rasijan?
Siońnia adbyŭsia čarhovy abmien ciełami zahinułych vajskoŭcaŭ pamiž Rasijaj i Ukrainaj. Ukraincy pieradali cieły 89 rasijan, rasijanie — 501 zahinułaha ŭkrainskaha vajskoŭca. Nie pieršy raz, kali rasijanie pieradajuć bolš. Čamu tak?
18.10.2024 / 17:41
Krajavid paśla bitvy kala Bachmuta, 2023 hod. Fota: AP Photo / Alex Babenko
Tamu što ŭkrainskaja armija ŭ 2024 hodzie pieravažna abaraniałasia i adstupała. Havorka ž pieravažna pra tych vajskoŭcaŭ, cieły jakich paśla bajoŭ zastajucca na raniej niejtralnaj pałasie abo na novazaniatych linijach. A kali linija frontu pakrysie źmiaščajecca va ŭkrainski bok, to i suadnosiny adpaviednyja.
Takija ličby nie adpaviednyja realnamu ŭzroŭniu strat bakoŭ. Straty rasijan našmat vyšejšyja mienavita tamu, što jany viaduć nastupalnyja dziejańni, a ŭkraincy tamu i siadziać va ŭmacavanaj abaronie, što majuć mienš žyvoj siły i bierahuć jaje.
Rasijskija «Miedyjazona» i Bi-bi-si z dapamohaj vałancioraŭ viaduć padlik kolkaści zahinułych na asnovie adkrytych krynic. Pa hetym padliku na siońnia viadomyja imiony 73 tysiač zabitych. Prajekcyi ž ahulnaj ličby rasijskich strat, zroblenyja na asnovie kolkaści spraŭ ab spadčynie, vyvodziać na ličbu kala 120 tysiač achviar pa stanie na pačatak kastryčnika.
Straty ŭkrainskaha boku dakładna nieviadomyja, ale jany taksama vializnyja. Zachodnija raźviedki niadaŭna nazyvali ličby prykładna 60—70 tysiač zabitymi.
U «płanie pieramohi» Zialenskaha jość punkt ab niajadziernym strymlivańni. Što heta moža być?