U Pinsku pačaŭsia čarhovy palityčny praces
Hetym razam razhladajecca kryminalnaja sprava pa artykule 342 KK (arhanizacyja abo aktyŭny ŭdzieł u dziejańniach, jakija hruba parušajuć hramadski paradak) suprać Maksima Pryščepy.
18.10.2024 / 15:33
Sudździaj pa spravie vystupaje Volha Łubnik.
Maksim Pryščepa, jak miarkujecca, pracavaŭ videohrafam u Pinsku, mieŭ indyvidualnaje pradprymalnictva z 2018 da kanca 2021 hoda. Zhodna ź infarmacyjaj z sacyjalnych sietak, jon maje siamju i maleńkuju piacihadovuju dačku, piša Brescskaja viasna.
Hety sud, vierahodna, źviazany z pratestami ŭ žniŭni 2020 hoda ŭ Pinsku. Tolki ŭ hetym hodzie ŭ Pinsku pačalisia sudovyja pracesy pa artykule 342, i ŭžo było asudžana 11 čałaviek.
Padobnyja spravy ŭ inšych haradach vobłaści supravadžalisia abvinavačvańniami ŭ vykrykvańni łozunhaŭ, demanstracyi bieł-čyrvona-biełych ściahoŭ i vychadzie na prajeznuju častku.