Minčuk pastaviŭ u spalni byłoj žonki schavanuju kamieru i pierasłaŭ intymnyja videa jaje rodnym i siabram
Mužčyna ŭsio tłumačyć reŭnaściu. Ciapier na jaho zaviali kryminalnuju spravu.
18.10.2024 / 13:07
Ilustracyjnaje fota: Hispanolistic / Getty Images
Minčuk adnojčy pryjšoŭ da byłoj žonki zabrać ahulnaje dzicia na vychodnyja. Nieprykmietna jon pastaviŭ u spalni žančyny mabilny telefon u režymie zdymki.
Praź niekalki dzion jon demanstratyŭna zabraŭ smartfon. A zatym pierasłaŭ źniatyja intymnyja videa z udziełam byłoj žonki jaje svajakam i siabram.
Žančyna źviarnułasia ŭ milicyju, byłoha muža zatrymali. Jon patłumačyŭ, što raŭnavaŭ eks-žonku da inšych mužčyn i chacieŭ zachavać na videa jaje zdradu. Praŭda, da taho času jany ŭžo, miarkujučy pa ŭsim, nie byli ŭ šlubie.
Zaviedziena kryminalnaja sprava, mužčynu pahražaje ad hramadskich rabot da dvuch hadoŭ kałonii.