Łajalnych biełarusaŭ nie zastałosia? U novym siezonie «Faktar.by» u žury spres rasijanie
U čaćviortym siezonie muzyčnaha šou talentaŭ «Faktar.by», jakoje startuje 18 kastryčnika, udzielnikaŭ budzie sudzić žury, jakoje amal całkam składajecca z rasijan: śpiavački Volhi Buzavaj, Dzianisa Klaviera, viadomaha pa hurcie «Čaj udvaich», šoŭmiena i akciora z «Univiera» Stanisłava Jarušyna. Čaćviorty sudździa ŭ hetym kvartecie — salist Vialikaha teatra opiery i baleta, narodny artyst Biełarusi Uładzimir Hromaŭ.
19.10.2024 / 08:00
Žury «Faktar.by — 4»: Dzianis Klavier, Stanisłaŭ Jarušyn, Volha Buzava, Uładzimir Hromaŭ. Fota: @factor.by
U minułym siezonie kankursantaŭ sudzili repier Siaroha, Rusłan Alachno, Iosif Pryhožyn i Volha Buzava. Tady ŭ šou pieramoh nieviduščy śpiavak Daniił Savienia. Niadaŭna jon taksama pryniaŭ vajskovuju prysiahu, ździejśniŭšy svaju dziciačuju maru. Dziela hetaha jamu, praŭda, pryjšłosia spačatku napisać list-prośbu «hałoŭnakamandujučamu Uzbrojenymi siłami», to-bok, Łukašenku.
Ciapier Savienia budzie śpiavać u składzie Akademičnaha ansambla pieśni i tanca Uzbrojenych siłaŭ Respubliki Biełaruś.
Dla paraŭnańnia: u inšych krainach žury padobnaha konkursu zvyčajna całkam ci amal całkam składajucca ź miascovych prafiesijanałaŭ.
Treci siezon šou «Faktar.by» vyjhraŭ nieviduščy śpiavak Daniił Savienia
Biełaruski śpiavak, jaki chacieŭ «zamuž za Buzavu», pryśviaciŭ pieśniu Łukašenku i Pucinu
Były kiraŭnik «Moładzi BNF» čytaje rep i pracuje ŭ poznańskim teatry — voś jak tak skłałasia