Ciapier pisać u kamisiju pa viartańni mohuć i biełarusy ŭnutry krainy
Alaksandr Łukašenka 17 kastryčnika padpisaŭ ukaz № 397, jakim «udaskanalvajecca» praca stvoranaj kamisii pa razhladzie zvarotaŭ hramadzian Respubliki Biełaruś pa pytańniach ździajśnieńnia imi pravaparušeńniaŭ pry Hienieralnaj prakuratury, bolš viadomaj u narodzie jak «kamisija pa viartańni».
17.10.2024 / 19:41
Łukašenka z hienieralnym prakuroram Andrejem Šviedam
Pavodle novaha ŭkaza, dziejnaść kamisii ciapier budzie nasić pastajanny charaktar (raniej termin jaje pracy kožny hod praciahvaŭsia).
Pry hetym kamisii dali prava razhladać zvaroty nie tolki tych biełaruskich hramadzian, jakija znachodziacca za miažoj, ale i tych, jakija žyvuć na terytoryi krainy. Zvaroty apošnich buduć razhladacca pa daručeńni Łukašenki.
Akramia taho, ciapier pa vynikach razhladu zvarotaŭ hramadzianam pavinny buduć paviedamlać nie tolki pra najaŭnaść abo adsutnaść u dačynieńni da ich administracyjnaha pracesu abo zaviedzienaj kryminalnaj spravy, ale taksama pra praviadzieńnie adnosna ich adpaviednaj pravierki, najaŭnaści abo adsutnaści padstaŭ dla jaje.
Ministr infarmacyi Markaŭ znajšoŭ miedyjatara dla dyjałohu pamiž dziaržavaj i apazicyjanierami
Biełarusam za miažoj pačali rassyłać paviedamleńni, kab nahadać pra «kamisiju pa viartańni»
Kamisija pa viartańni znoŭ zasiadała. Losy ludziej vyrašali Švied, Baskaŭ, Ejsmant