Ułady Paŭnočnaj Karei pierastali vykarystoŭvać kalandar čučche
Z 13 kastryčnika kalandar čučche, letaźličeńnie ŭ im viadziecca ad naradžeńnia zasnavalnika ciapierašniaha paŭnočnaha režymu Kim Ir Sena (1912-1994) nie vykarystoŭvaje hałoŭnaja hazieta KNDR «Nadon sinmun». Akramia taho, jon nie vykarystoŭvaŭsia ŭ zajavie Kim Je Čžon — upłyvovaj siastry Kim Čen Yna, vypuščanaj 12 kastryčnika, piša «Mieduza» na padstavie paviedamleńnia paŭdniovakarejskaha ahienctva «Ronchap».
17.10.2024 / 16:41
Kalandar čučche na 2010 hod. Fota: Wikimedia Commons
«Vierahodna, heta častka namahańniaŭ Kim Čen Yna pa stvareńni svajho ŭłasnaha kultu asoby», — zajavili «Ronchap» u Ministerstvie abjadnańnia Paŭdniovaj Karei.
Kalandar čučche byŭ aficyjna pryniaty ŭ Paŭnočnaj Karei ŭ 1997 hodzie, praz try hady paśla śmierci zasnavalnika KNDR Kim Ir Sena. Jon vykarystoŭvaŭsia razam z hryharyjanskim kalendarom, jaki prymianiaje bolšaść krain śvietu.
Pieršym hodam u kalendary čučche ličycca 1912-y — hod naradžeńnia Kim Ir Sena.
KNDR śćviardžaje, što 1,4 młn čałaviek padali zajaŭki na ŭstupleńnie ŭ armiju
Kim Čen Yn: Ni ŭdača, ni duchi nie abaroniać Paŭdniovuju Kareju
Za bojeprypasy Pucin adździačyŭ Kim Čen Ynu parodzistymi końmi