Cichanoŭskaja raskazała pra svaje płany na vybary-2025
«Toje, što budzie arhanizavana režymam Łukašenki, nie maje nijakich adnosin da vybarčaha pracesu».
17.10.2024 / 10:14
Śviatłana Cichanoŭskaja, 3 kastryčnika 2024 hoda. Fota: SOPA Images LightRocket via Getty Images
U intervju niamieckamu vydańniu BILD Śviatłana Cichanoŭskaja raskazała, što budzie rabić u 2025 hodzie, u jakim projduć nastupnyja prezidenckija vybary.
«U 2020 hodzie naša revalucyja była nie ab mandacie na piać hadoŭ. Naša revalucyja była ab svabodnych i sumlennych vybarach. I ludzi mnie dali mandat da taho momantu, kali hetyja vybary možna budzie arhanizavać.
Vybarny cykł u Biełarusi skončyŭsia ŭ 2020 hodzie. I toje, što budzie arhanizavana režymam Łukašenki ŭ 2025 hodzie, nie maje nijakich adnosin da vybarčaha pracesu ŭvohule. Heta budzie pryznačeńnie Łukašenkam samoha siabie. Heta budzie cyrk, rytuał niejki taki saviecki. Ale absalutna nie vybary.
U krainie, dzie lidary mierkavańniaŭ siadziać u turmie, dzie niama hramadzianskaj supolnaści (jana źniščana), dzie svabodnyja miedyja byli vymušanyja źjechać i pryznanyja ekstremisckimi, dzie kožny dzień adbyvajucca represii, kab nie dać ludziam prava hołasu, my nie možam uvohule havaryć ab vybarach.
Tamu, zrazumieła, Łukašenka, chutčej za ŭsio, budzie pravodzić hety rytuał.
A my, jak demakratyčny ruch, prosta budziem vykarystoŭvać hetuju situacyju dla palityčnaj mabilizacyi biełarusaŭ»,
— raskazała Śviatłana Cichanoŭskaja.
Cichanoŭskaja abmierkavała z namieśnikam dziaržsakratara ZŠA zakryćcio łaziejek u sankcyjach
Pres-słužba AAN nazvała Cichanoŭskuju «prezident-elekt»