У Мінскім аэрапорце затрымалі 19-гадовую сутэнёрку
Дзяўчыну з Рэчыцы затрымалі ў сталічным аэрапорце пры адпраўцы завербаванай дзяўчыны, паведамляе прэс-служба міліцыі.
16.10.2024 / 10:08
Як высветлілася, дзяўчына прапанавала сваёй 22-гадовай знаёмай «працаўладкаванне» ў адной з краін Усходняй Азіі, дзе тая павінна аказваць інтымныя паслугі за плату.
Маладая сутэнёрка ўжо знайшла пасярэдніка і дасягнула дамоўленасцяў.
Яе затрымалі ў сталічным аэрапорце, калі яна праводзіла завербаваную дзяўчыну.
Заведзена крымінальная справа за арганізацыю і выкарыстанне заняткаў прастытуцыяй.