Zasnavalnik Zubr Capital raskazaŭ, čym «karotkaja» adukacyja lepšaja za «doŭhuju»
Kiraŭnik Zubr Capital Aleh Chusajenaŭ padčas sustrečy ŭ Varšavie parazvažaŭ pra pierśpiektyvy biznesu, a taksama pra toje, čym «karotkaja» adukacyja lepšaja za «doŭhuju». Razmovu apublikavaŭ devby.io.
15.10.2024 / 14:43
Fota: Devby.io
«Asabista dla mianie ciapier «karotkaja» adukacyja lepšaja ŭ siłu taho, što ŭ nas vielmi dynamična idzie biznes — ty nie možaš uziać pierapynak na 18 miesiacaŭ, kolki doŭžycca «doŭhi» MBA.
U 2016 hodzie ja pastupiŭ na MBA, a ŭ 2017 my padniali fond — i ja admoviŭsia ad navučańnia, tamu što razumieŭ: u mianie nie budzie na heta času», — skazaŭ Aleh Chusajenaŭ.
Jon kaža, što zaležyć ad taho, čamu treba navučycca i čym zajmacca.
«U svoj čas my napisali knihu «Usie kampanii ščaślivyja adnolkava», u jakoj pasprabavali ŭ dapamohu hiendyrektaru koratka vykłaści, jak pierajści ad startapierskaj kultury da rehularnaha mieniedžmientu. Na žal, nakład skončyŭsia. My rychtujem novy. Ale my vyrašyli, što treba abnavić kiejsy. Dumaju, praz hod zrobim.
Niama ŭ mianie pramoha adkazu, ci treba iści vučycca na MBA. Kali vy dumajecie, što heta vam dapamoža rabić biznes — moža być», — dadaŭ Aleh Chusajenaŭ.