«Ałmi» aštrafavali za zavyšeńnie cany na chleb
ZAT «Junifud» zapłacić bolš za 15 tysiač rubloŭ štrafu za parušeńnie paradku ŭtvareńnia ceny, paviedamlaje pres-słužba Viarchoŭnaha suda.
15.10.2024 / 14:24
Fota: Officelife.media
Jak paviedamlajecca, parušeńnie vyjaviła pravierka MART. Ustanoŭlena, što na praciahu paŭhoda pradpryjemstva pradavała chleb «Łavaš» ź pieravyšeńniem maksimalnych handlovych nadbavak.
Sprava dajšła da Ekanamičnaha suda Minska. Tam padličyli, što pry handli pa cenach, ustalavanych u adpaviednaści z zakanadaŭstvam, raźlikovaja vyručka kampanii skłała b 7631,10 rubla.
U vyniku sud pryniaŭ rašeńnie aštrafavać ZAT «Junifud» na dvuchkratny pamier roźnicy pamiž faktyčnaj i raźlikovaj vyručkaj. Sud taksama aštrafavaŭ na 200 rubloŭ «słužbovuju asobu, adkaznuju za pravilnaść farmiravańnia cen».