Дачка падпаліла фіранку: падрабязнасці трагедыі ў Сеніцы, дзе загінулі двое дзетак
Трагедыя здарылася ўвечары 14 кастрычніка на вуліцы Высокай аграгарадка Сеніца, паведамляе СК.
15.10.2024 / 11:44
Скрышот з відэа СК
Бацькі загінулых дзяцей знаходзіліся ў суседнім пакоі, калі да іх падбегла дачка і сказала, што выпадкова падпаліла фіранку. Жанчына выбегла на вуліцу, пакінуўшы маленькіх дзяцей у палаючым доме.
Мужчына паспрабаваў патушыць агонь, але безвынікова, цяпер ён у бальніцы з апёкамі.
У выніку пажару загінулі дзве маленькія дзяўчынкі: старэйшай было пяць гадоў, малодшай — тры гады.
Устаноўлена, што і тата, і мама былі выпіўшы.
Заведзеная крымінальная справа.