Sierbski prezident padčas matča sa Šviejcaryjaj razharnuŭ abjadnany ściah Sierbii i Rasii
Prezident Sierbii Alaksandr Vučyč na futbolnym matčy nacyjanalnaj zbornaj u Lizie nacyj suprać zbornaj Šviejcaryi razharnuŭ padvojeny ściah: z adnaho boku heta byli kolery ściaha Sierbii, z druhoha — rasijski trykałor. Adpaviednaje videa ŭ sietcy Ch zapościŭ lidar apazicyjnaj Sierbskaj respublikanskaj partyi Mikałaj Sandułavič, piša «Trybuna».
14.10.2024 / 17:33
Skrynšot ź videa
«Ja nie viedaju, što jašče treba zrabić sierbskamu dyktataru Alaksandru Vučyču, kab Jeŭropa i Amieryka zrazumieli, što jon hulaje ź imi ŭ svajoj biaskoncaj chłuśni i abiacańniach, jakija jon im daje, takim čynam vyjhrajučy čas dla kančatkovaj razborki ź imi. Jon byŭ, zastaŭsia i nazaŭždy zastaniecca ruskim pamahatym i ich viernym chaŭruśnikam.
Na futbolnym matčy pamiž Sierbijaj i Šviejcaryjaj u kampanii ahienta Pucina [prezidenta Respubliki Sierbskaj u składzie Bośnii i Hiercahaviny] Miłarada Dodzika Alaksandr Vučyč dastaŭ z kišeni i razharnuŭ abjadnany ściah Sierbii i Rasii.
Dakładnaje paviedamleńnie nasielnictvu Sierbii pra toje, jak interpretavać jaho apošnija palityčnyja kroki: «My byli i budziem sajuźnikami Rasii, asabliva ciapier, kali my sprabujem być trajanskim kaniom Rasii na Zachadzie».
Zachad da hetaha času nie razumieje hłybini rasijskaha ŭpłyvu ŭ Sierbii i taho, što farmalnyja rašeńni ničoha nie značać dla palityki, hłyboka sinchranizavanaj z Kramlom», — napisaŭ Sandułavič u tvitary.
Prezident Sierbii praročyć Ukrainie karejski scenaryj
Prezident Sierbii admoviŭsia jechać na samit BRIKS pa zaprašeńni Pucina
Cichanoŭskaja sustrełasia z prezidentam Sierbii Vučyčam
Siarod krain, jakija padtrymlivajuć Ukrainu zbrojaj, jość i Sierbija. Ale nie napramuju