Азаронак пахваліўся, што гэта была яго ідэя пакласці нацыянальны сцяг пад ногі Пратасевічу
У маі 2023 года прапагандыст Рыгор Азаронак паклікаў на свой стрым Рамана Пратасевіча. На парозе студыі тады паклалі бел-чырвона-белы сцяг — каб Пратасевіч пры выхадзе са студыі прайшоўся па ім (але ён пераступіў).
14.10.2024 / 13:38
Нацыянальны беларускі сцяг на парозе студыі Азаронка. Фота апублікаваў праўладны канал
«Што гэта за дзіч? Хто гэта прыдумаў? Гэта ваша ідэя?» — спытала Сабчак у Азаронка ў інтэрв'ю.
«Гэта мая ідэя. Гэта нацысцкі сцяг. «Знак бяды», каторы заўжды з'яўляецца там, дзе…»
«Як вы гэта прыдумваеце? Мне проста цікава, можа вы нейкія там, не ведаю, мухаморы ў мікрадозе…?» — спрабавала пакпіць Сабчак.
«Ён у мяне ляжаў заўсёды, Ксенія Анатольеўна. Ніякіх мухамораў. Я натхняюся вашымі праграмамі. Я пагляджу Ксенію Сабчак, і вось такія ідэі мне адразу прыходзяць у галаву. Мне хочацца знішчыць вас, разарваць вас, лібералаў. (…) Таму прыходзяць вось такія ідэі», — спакойна адказаў Азаронак.
Па яго словах, пасля перадачы гэты сцяг «рытуальна» спалілі.
Сабчак таксама пацікавілася ў Азаронка, ці можна жыць у Беларусі і не падтрымліваць Лукашэнку, быць супраць яго.
«Гэта няправільна — жыць у Беларусі і не падтрымліваць нашага прэзідэнта цяпер. Таму што прэзідэнт ахоўвае нашу краіну ад вялікай пагрозы вайны. Беларусь у прыцэле.
І тыя людзі, якія… Разумееце, у чым рэч. Падтрымліваць актыўна цябе ніхто не прымушае. Ну сядзі там, на кухні ў сябе, нешта размаўляй. Але дзе мяжа, калі ён потым возьме нож і каго-небудзь заб'е, ці па заданні СБУ, напрыклад, узарве Ксенію Сабчак, якая прыехала да нас у госці, як агента «рускага свету»? Дзе гэтая мяжа? Таму мы працуем з грамадствам».
Пратасевіч прыйшоў на інтэрв'ю на канал Салаўёва. У яго спыталі, ці забіў бы ён Пуцілу
Азаронак абвінаваціў прарасійскіх актывістаў у працы на заходнія разведкі
Рыгора Азаронка запрасілі працаваць на «Беларусьфільм»