U Biełarusi ŭpieršyniu vyjavili zaražanaha novym varyjantam kovida CHIES
Hety varyjant karanavirusa hulaje pa Jeŭropie ź leta.
14.10.2024 / 11:33
Varyjant karanavirusa CHIES znajšli ŭ adnaho z pacyjentaŭ pa vynikach testu ŭ łabaratoryi NDI hihijeny, taksikałohii, epidemijałohii, virusałohii i mikrabijałohii Respublikanskaha centra hihijeny, epidemijałohii i hramadskaha zdaroŭja.
Pra heta raskazała hałoŭnaja sanitarnaja doktarka krainy Śviatłana Niačaj. Padrabiaznaści zaražeńnia novym varyjantam karanavirusa Ministerstva achovy zdaroŭja nie paviedamlaje.
Varyjant karanavirusa CHIES upieršyniu byŭ vyjaŭleny ŭ Hiermanii ŭ červieni 2024 hoda, z tych časoŭ jon raspaŭsiudziŭsia pa Jeŭropie. Heta hibryd dvuch varyjantaŭ štamu amikron, jakija cyrkulavali raniej. Asablivaść CHIES u tym, što jon lepš źviazvajecca z kletkami čałavieka.
Simptomy CHIES mała čym adroźnivajucca ad inšych štamaŭ — u asnoŭnym, heta pavyšeńnie tempieratury, bol u horle i ciele.