Raman Pratasievič nazvaŭ pamier svajho zarobku jak zvarščyka
Ksienija Sabčak apublikavała svajo intervju z Ramanam Pratasievičam, jakoje ŭziała ŭ Minsku.
14.10.2024 / 10:00
Skrynšot videa
Jon vyhulaŭ jaje pa zavodzie, dzie pracuje, i raskazaŭ, kolki zarablaje.
Pratasievič kaža, što pravieryŭ šmat vakansij i schadziŭ na šmat sumoŭjaŭ. Mnohija admaŭlali jamu praź jaho bekhraŭnd.
U vyniku spyniŭsia na vakansii zvarščyka na Minskim elektratechničnym zavodzie imia Kazłova. Maŭlaŭ, zvarščyki ŭ stalicy dobra zarablajuć. Prajšoŭ navučańnie, sumoŭje i staŭ pracavać. «I kolki ty zarablaješ?» — spytała Sabčak.
«2200-2500 rubloŭ», — skazaŭ Pratasievič i chucieńka pieravioŭ u rasijskija rubli: 65000—70000 rasijskich.
Sabčak spytałasia, ci možna žyć na hetyja hrošy ŭ Minsku?
«Kaniečnie, — adkazaŭ Pratasievič. — Ja nie zdymaju kvateru, a žyvu ŭ kvatery, jakaja zastałasia ad baćkoŭ. Mnie narmalna».
Jon taksama skazaŭ, što časam pracuje ŭ suboty.
Pratasievič dadaŭ, što lotaŭ u Dubaj uziaŭšy adhuły i taksama za košt raniejšych aščadžeńniaŭ.