Najbujniejšaja naftabaza ŭ Krymie moža być praktyčna całkam źniščana
Spadarožnikavuju fatahrafiju naftabazy ŭ Krymie, na jakoj byŭ vialiki pažar, vykłaŭ ukrainski OSINT-prajekt «KibierBorošno».
13.10.2024 / 12:34
Tak ciapier vyhladaje naftabaza ŭ Fieadosii sa spadarožnika. Fota: OSINT-prajekt «KibierBorošno».
«Dahareła naftabaza ŭ Fieadosii», — piša prajekt. Paviedamlajecca, što ŭsiaho na terytoryi bazy paciarpieła 12 reziervuaraŭ, 8 ź ich źniščany. Taksama zhareli budynki na terytoryi abjekta.
Naftabazie ŭ Fieadosii zaharełasia nočču 7 kastryčnika. Hienštaba USU zajaviŭ, što ŭkraincy nanieśli ŭdar pa marskim naftavym terminale — najbujniejšym u Krymie pa abjomach pieravałki naftapraduktaŭ. Pažar praciahvaŭsia niekalki dzion.
Pažar na naftabazie ŭ Fieadosii, 7 kastryčnika 2024 hoda. Skryn videa «KibierBorošno»
Ź bližejšych rajonaŭ byli evakujavanyja bolš za tysiaču čałaviek. Spravicca ź situacyjaj uładam Kryma ŭdałosia tolki 12 kastryčnika. Ličycca, što patušyć taki pažar niemahčyma, pakul tam nie vyharać usie naftapradukty.
Kiraŭnik Fieadosii Ihar Tkačenka zajaviŭ, što režym nadzvyčajnaj situacyi pakul nie admienieny, likvidacyja nastupstvaŭ pažaru praciahvajecca. Ale bolšaja častka evakujavanych žycharoŭ viarnułasia dadomu.