Rasijskija vojski rasstralali dzieviać ukrainskich vajskoŭcaŭ u Kurskaj vobłaści
Ukrainskija apieratary dronaŭ zdalisia pierad hetym u pałon.
13.10.2024 / 11:36
Karta, apublikavanaja DeepState
Rasijskija vojski rasstralali dzieviać ukrainskich vajskoŭcaŭ u Kurskaj vobłaści. Pra heta paviedamlaje servis DeepState.
Analityki sa spasyłkaj na krynicy adznačajuć, što heta adbyłosia 10 kastryčnika ŭ rajonie nasielenaha punkta Zialony Šlach. Tudy prarvalisia rasijskija čaści. Ukrainskija bajcy (siarod ich byli apieratary dronaŭ) byli vymušanyja zdacca. Jak adznačaje DeepState, situacyja ŭ Kurskaj vobłaści nie takaja radasnaja.
Upaŭnavažany pa pravach čałavieka Dźmitryj Łubiniec prakamientavaŭ, što pakarańnie pałonnych — heta hrubaje parušeńnie Ženieŭskaj kanviencyi ab abychodžańni z vajennapałonnymi. Jon nakiravaŭ listy ŭ AAN i Mižnarodny kamitet Čyrvonaha Kryža z nahody rasstrełu pałonnych.
«Hetyja dziejańni nie pavinny zastacca biespakaranymi, i vorah pavinien panieści ŭsiu adkaznaść. Rasija — heta kraina-teraryst, jakaja parušaje ŭsie praviły i zvyčai vajny. Mižnarodnaja supolnaść nie pavinna zapluščvać vočy na takija złačynstvy», — zajaviŭ Łubiniec.