Biełaruskuju spartoŭku Irynu Kuračkinu patrabujuć adchilić ad čempijanatu śvietu
Z 28 pa 31 kastryčnika u stalicy Ałbanii Tyranie maje adbycca čempijanat śvietu pa baraćbie. Biełarusy i rasijanie dapuščanyja da ŭdziełu ŭ im u niejtralnym statusie, ale adnosna niekatorych ź ich uźnikli pytańni.
11.10.2024 / 16:59
Z prapanovaj nie dapuskać na mižnarodnyja spabornictvy šerah spartoŭcaŭ z Rasii i Biełarusi vystupiła Ukraina. Ministr moładzi i sportu Ukrainy Maćviej Biedny i prezident Nacyjanalnaha alimpijskaha kamiteta Vadzim Hutcajt pasłali adpaviednyja zvaroty prezidentu Mižnarodnaha alimpijskaha kamiteta Tomasu Bachu i kiraŭniku Mižnarodnaj fiederacyi baraćby Nienadu Łałaviču.
Ukrainskija čynoŭniki ŭ svaim zvarocie dali spasyłki na pasty spartsmienaŭ u sacsietkach z dokazami padtrymki rasijskaj ahresii suprać Ukrainy.
Siarod tych, kaho imknucca adchilić — biełaruska Iryna Kuračkina. Akramia jaje, patrabujuć pryniać takija ž zachady suprać niekalkich rasijan.
Iryna Kuračkina trenirujecca ŭ spartyŭnym kłubie MUS Biełarusi. Sioleta ŭ lutym jana ŭdzielničała ŭ čempijanacie Jeŭropy ŭ Budapiešcie, dzie zavajavała załaty miedal. A na Alimpijskija hulni ŭ Paryžy mieła licenziju, dy jaje nie dapuścili z-za suviazi ź biełaruskimi siłavymi strukturami.
Ukraina patrabuje nie dapuskać da Alimpijady-2024 biełarusku. U čym pytańnie?
Biełaruskaja tenisnaja fiederacyja naličyła škodu ad sankcyj — miljon jeŭra