Biełarus, jaki vyzvaliŭsia paśla paŭtara hoda chimii, udaryŭ małatkom pa ścianie Kramla
Jaho aryštavali na 15 sutak.
11.10.2024 / 15:36
Ćviarski rajonny sud Maskvy aryštavaŭ na 15 sutak 32-hadovaha Alaksandra Frałova, jaki ŭdaryŭ małatkom pa ścianie Kramla i abliŭ farbaj fasad Histaryčnaha muzieja, paviedamlaje Miedyjazona.
Aryšt pryznačany pa artykule ab niepadparadkavańni supracoŭniku palicyi (art. 19.3 KaAP RF). Frołaŭ patłumačyŭ svaje dziejańni «asabistaj niepryjaznaściu da supracoŭnikaŭ FSA».
30 vieraśnia biełarusu pryznačyli 10 sutak aryštu za toje, što jon pakinuŭ na viežy Kramla la nabiarežnaj Maskvy-raki «nadpis z abvinavačańniem supracoŭnikaŭ śpiecsłužbaŭ u zhvałtavańni dziaŭčynki», jaki «chutka admyli», jak paviedamlaje vydańnie Baza.
U studzieni 2022 hoda sud Žłobinskaha rajona pryhavaryŭ Frałova da paŭtara hoda «chimii» pa artykule ab hrubym parušeńni paradku (art. 342 KK). U listapadzie 2023 hoda jon vyjšaŭ na svabodu.