Pamior Andrej Cisyk
Jamu było 79 hadoŭ.
11.10.2024 / 14:50
«Syšoŭ u viečnaść moj nastaŭnik, vybitny fiłołah-kłasik Andrej Zinoŭjevič Cisyk (1945—2024). Jon paznajomiŭ nas z łacinskaj movaj, antyčnaj mietrykaj i litaraturaj. Adnak bolej za ŭsio ja navučyŭsia ŭ jaho mastactvu być žyvym, abajalnaści i humanizmu.
Na jaho zaniatkach zaŭsiody było viesieła. Jon dakładna byŭ čałaviekam-nie-u-futlary. Mnie chaciełasia mienavita tak viedać Hrecyju i Rym, jak viedaŭ jon. Kožny raz, kali na zaniatkach ja budu śmiajacca sa svaimi vučniami, u hetym śmiechu budzie čaścinka majho nastaŭnika. Darahi Andrej Zinoŭjevič, dziakuj vam za hety čas razam!», — napisaŭ u fb adzin ź jaho vučniaŭ.
Andrej Cisyk naradziŭsia ŭ 1945 hodzie va Ukrainie, skončyŭ Lvoŭski nacyjanalny ŭniviersitet imia Ivana Franko, byŭ zahadčykam kafiedry łacinskaj movy Biełaruskaha dziaržaŭnaha miedycynskaha ŭniviersiteta. Z 1989 hoda — dacent kafiedry zamiežnych moŭ, byŭ zahadčykam kursa łacinskaj movy BDMU. U 1990 hodzie arhanizavaŭ kafiedru łacinskaj movy, jakuju ŭznačalvaŭ da vieraśnia 2015 hoda. Z 2015 hoda — dacent kafiedry łacinskaj movy BDMU.