KDB pryznaŭ inicyjatyvu «Aktyŭnym być fajna» «ekstremisckim farmavańniem»
Rašeńnie było pryniata 8 kastryčnika, a siońnia MUS uklučyła inicyjatyvu ŭ śpis tych, chto maje dačynieńnie da ekstremisckaj dziejnaści.
11.10.2024 / 14:12
Farmiravańnie apisvajecca jak «hrupa hramadzian, ź liku inicyjatyvy «Aktyŭnym być fajna» («ABF»), hałoŭny ofis jakoj znachodzicca ŭ Litvie, a pradstaŭnictvy — u Polščy, Ukrainie, Hruzii i Šviecyi».
U śpisie zhadvajecca Julija Mickievič, a taksama ŭklučany sajt inicyjatyvy, jaje staronki ŭ sacyjalnych sietkach i akaŭnty ŭ mesiendžarach.
Taksama siońnia internet-resursy «Aktyŭnym być fajna» byli zaniesieny ŭ śpis ekstremisckich materyjałaŭ, jaki viadzie Ministerstva infarmacyi.
Arhanizacyja hramadzianskaj i niefarmalnaj adukacyi ABF była zasnavana ŭ Biełarusi ŭ 2015 hodzie jak vynik biełaruska-šviedskaha prajekta pa papularyzacyi mietodyki šviedskich (vučebnych) hurtkoŭ, jaki pačaŭsia ŭ 2012 hodzie. Da padziej 2020 hoda ABF dziejničała ŭ roznych haradach Biełarusi, uklučajučy ŭsie abłasnyja centry.
U 2021 hodzie, jak i bolšaść NDA, arhanizacyja była prymusova likvidavana i spyniła pracu ŭ krainie, ale adnaviła svaju dziejnaść u Litvie, Polščy i Hruzii.