Łukašenka zaniaŭsia kukuruzaj
Alaksandr Łukašenka siońnia na Škłoŭščynie aznajomiŭsia z vynikami ekśpierymientu pa vyroščvańni kukuruzy roznych sartoŭ, piša BiełTA.
11.10.2024 / 11:54
Fota: BiełTA
Dla ekśpierymientu na poli AAT «Aleksandryjskaje» sioleta vysadzili 12 sartoŭ kukuruzy: pa 6 ajčynnaj i zamiežnaj sielekcyi. Zamiežnyja hatunki pryznačanyja ŭ pieršuju čarhu dla vyroščvańnia na ziernie, a ajčynnyja sielekcyjaniery zaŭsiody pieravažna pracavali nad siłasnymi hatunkami.
Pa terminach paśpiavańnia zamiežnyja sarty bolš rannija, dy i ŭradžajnaść na ziernie ŭ biełaruskich choć i dobraja, ale časam usio ž byvaje nižej. Za apošnija 10 hadoŭ praduktyŭnaść hibrydaŭ vyrasła na čverć.
«Kukuruza niadrennaja ŭ nas, što tam kazać. Ale my adstajem ad Zachadu», — kanstatavaŭ Alaksandr Łukašenka.
Jon taksama padkreśliŭ, što navukoŭcy pavinny davać vynik, i heta tyčycca nie tolki kukuruzy, a navukovaj śfiery ŭ cełym.
«Heta ŭ bližejšy čas my raźbiaremsia. Kamisija ciapier pa Akademii navuk pracuje. Ja chaču zrabić vysnovu pa kadrach», — skazaŭ Łukašenka.