Трагічна загінуў начальнік аддзела СІЗА-1
Маёр унутранай службы Мікалай Лаўрыновіч памёр у 43 гады.
11.10.2024 / 13:06
Бальніца СІЗА-1 у Калядзічах. Фота: прэс-служба МУС
Лаўрыновіч быў начальнікам рэжымнага аддзела СІЗА-1 (у народзе гэты следчы ізалятар быў вядомы як Валадарка, але нядаўна ён пераехаў на новы адрас у Калядзічы).
Мікалай Лаўрыновіч
Паведамляецца, што ён трагічна загінуў. Больш дэталяў невядома.
Згодна з базамі «Белпола», у сістэме папраўчых органаў сілавік працаваў з 1999 года. Пачынаў кантралёрам у СІЗА-1. Працаваў нейкі час таксама ў калоніі № 14 (Навасады, Барысаўскі раён), папраўчых установах адкрытага тыпу № 36 і 34. З 2016 года вярнуўся на работу ў СІЗА-1.
За час працы ў папраўчых установах Лаўрыновічу некалькі разоў рабілі строгія вымовы. Адна з іх — за тое, што будучы пад алкаголем хваліўся службовым пасведчаннем у грамадскім месцы.
Ён праходзіў адным з пацярпелых па крымінальнай справе аб апублічванні персанальных даных сілавікоў, заведзенай у 2020 годзе.