Stali viadomyja pieramožcy štohadovaj premii za najlepšyja FOTY dzikaj pryrody
Muziej naturalnaj historyi Łondana vyznačyŭ sioletnich pieramožcaŭ štohadovaj premii Wildlife Photographer of the Year, jakaja ŭručajecca za najlepšyja fatahrafii dzikaj pryrody. Siarod hierojaŭ najlepšych kadraŭ apałoniki zachodnieamierykanskaj žaby, ryś z rasijskaha Prymorskaha kraju, šatłandskija lišajniki, čyrvonyja lasnyja murašy i mnohija inšyja. Raboty-pieramožcy byli abranyja z amal 60 tys. zajavak z usiaho śvietu.
10.10.2024 / 23:21
Najlepšym fatohrafam dzikaj pryrody ŭ 2024 hodzie pryznali kanadca Šejna Hrosa, jaki źniaŭ apałonikaŭ žaby zachodnieamierykanskaj, jakaja znachodzicca pad pahrozaj źniknieńnia, u voziery Sidar na vostravie Vankuvier.
Pieramožcami ŭ jašče niekalkich naminacyjach stali fatohrafy z ZŠA, Aŭstralii, Ispanii, Italii, Hiermanii i inšych krain.
Rasijanin Ihar Miacielski staŭ pieramožcam u naminacyi «Žyvioły ŭ ich naturalnym asiarodździ pražyvańnia» za fatahrafiju rysi. Na stvareńnie hetaha zdymka z dapamohaj fotapastki pajšło bolš za šeść miesiacaŭ, pakolki jano było zroblena ŭ ciažkadastupnym miescy na Dalokim Uschodzie
«Žyćcio pad miortvym lesam» Aleksisa Tynkiera-Cavałasa z Hiermanii — pieramožca ŭ naminacyi «Fatohraf va ŭzroście 15-17 hadoŭ». Dla stvareńnia zdymka była vykarystanaja technałohija, kali abjadnoŭvajucca 6 malunkaŭ, na jakich u fokusie roznaja vobłaść kadra. Nahachvostki ledź dasiahajuć dvuch milimietraŭ u daŭžyniu. Jany siłkujucca mikraarhanizmami, takimi jak bakteryi i hrybki, palapšajučy hlebu i spryjajučy raskładańniu arhaničnych rečyvaŭ
«Pad vaterlinijaj» Mećju Śmita (Vialikabrytanija/ Aŭstralija) — pieramožca ŭ naminacyi «Pad vadoj». Cikaŭny marski leapard pad ildami Antarktydy. Choć marskija leapardy šyroka raspaŭsiudžanyja i šmatlikija, praźmierny vyłaŭ ryby, adstupleńnie marskoha lodu i paciapleńnie vady aznačajuć, što robicca mienš krylu i pinhvinaŭ — ich asnoŭnych krynic ježy
Pieramožca ŭ katehoryi «Pavodziny: biespazvonočnyja». Čyrvonyja lasnyja murašy dzielać na častki žuka
Pieramožca ŭ katehoryi «Pavodziny: ptuški». Małady sokał praktykujecca ŭ palavańni na matylkoŭ
Pieramožca ŭ katehoryi «Pavodziny: sysuny». Maładaja makaka śpić na rukach u darosłaj asobiny ŭ Nacyjanalnym parku Uiłpatu na paŭnočnym zachadzie Šry-Łanki
Pieramožca ŭ katehoryi «Raśliny i hryby». Dreva, pakrytaje blednymi lišajnikami, u dalinie Hlen Afryk u Šatłandyi
Pieramožca ŭ katehoryi «Pavodziny: ziemnavodnyja i reptylii». Žoŭtaja anakonda abkručvajecca vakoł mordy kajmana ŭ vodna-bałotnych uhodździach Pantanał na terytoryi Brazilii
Pieramožca ŭ katehoryi «Partrety žyvioł». Padrosłyja rysianiaty chavajucca ad chałodnaha vietru za śpinaj u maci. Kanada
Pieramožca ŭ katehoryi «Mastactva pryrody». Siłuet varony-padalnicy ŭ adnym z parkaŭ u Bazeli, Šviejcaryja
Zdymak «Tyhr u horadzie» Robina Daryusa Konca (Hiermanija) pieramoh u katehoryi «Dzikaja pryroda ŭ horadzie»
Zdymak «Delfiny ŭ lesie» Tomasa Piešaka (Hiermanija / Paŭdniovaja Afryka) staŭ pieramožcam u katehoryi «Repartaž»
Pieramožca ŭ katehoryi «Fotažurnalistyka». Śledčy z łondanskaj palicyi źbiraje adbitki palcaŭ na kanfiskavanym słanovym biŭni
Zdymak «Nadzieja dla ninu» ŭ katehoryi «Žyvioły ŭ naturalnym asiarodździ pražyvańnia» aŭstralijskaha fatohrafa Janika Kiełka ŭdastojeny ŭznaharody Impact Awards
Zdymak Livii Paŭłoŭskaj (Polšča) staŭ pieramožcam u śpiecyjalnaj katehoryi «Upłyŭ na pryrodu». Jaje fota było zajaŭlena va ŭzrostavaj katehoryi 11-13 hadoŭ
Konkurs Wildlife Photographer of the Year pravodzicca z 1965 hoda. U 1984 hodzie ŭ arhanizacyi konkursu pačaŭ brać udzieł Łondanski muziej naturalnaj historyi. Siońnia heta adzin z samych prestyžnych konkursaŭ fatahrafii dzikaj pryrody ŭ śviecie.
Kožny hod na konkurs padajucca tysiačy rabot z usiaho śvietu. U 2024 hodzie ŭdzielniki pradstavili bolš za 59 tys. fatahrafij sa 117 krain, a ŭ finał prajšli tolki 100 ź ich. Pieramožcaŭ abiraje žury, jakoje składajecca z ekśpiertaŭ u halinie fatahrafii i achovy pryrody.
U Papua — Novaj Hviniei znajšli vid ptušak, jaki ličyŭsia źnikłym
Na Lubanskim vadaschoviščy pabačyli vielmi redkuju ŭ nas ptušku
Pad Połackam mužčyna łaviŭ rybu, a złaviŭ čarapachu