Paśla ŭčorašniaj publikacyi «NN» z «Siarhiejem» i «Aleksam» adbylisia mietamarfozy
«Naša Niva» znajšła intryhoŭnyja fakty ŭ čatach emihrantaŭ, pryśviečanych pošukam pracy i bytavym pytańniam. Pryčym nie tolki ŭ čatach biełaruskaj dyjaspary. Ahienty KDB prapanoŭvali tam zarabić na sačeńni za biełaruskimi emihrantami.
10.10.2024 / 20:21
Biełaruskaja emihracyja stała hałoŭnym abjektam uvahi łukašenkaŭskich śpiecsłužbaŭ. Ilustracyjnaje fota Artur Widak / NurPhoto via Getty Images
Reakcyja nie prymusiła siabie čakać.
Karystalnik «Siarhiej» (@gfst1297, ID 5988969326), jaki šukaŭ ludziej, jakija buduć rabić videa ź biełaruskich akcyj na Dzień Voli, zabaraniŭ sabie pisać usim, u kaho niama premium-akaŭnta.
Skrynšot akaŭnta karystalnika, jakoha zavuć «Siarhiej», zrobleny 10 kastryčnika
I akurat paśla našaj publikacyi, jon, jaki ŭvieś čas maŭčaŭ, aktyvizavaŭsia i napisaŭ u čat biełarusaŭ Hiermanii na bytavuju temu. Raniej jon nikoli tak nie rabiŭ.
Pry hetym jon nie vypiliŭsia z čataŭ, a, naadvarot, ustupiŭ u paru novych čataŭ dyjaspary.
Paviedamleńni «Siarhieja» ŭ čacie biełarusaŭ Hiermanii
Jašče bolšaja mietamarfoza adbyłasia z akaŭntam «alex060580» (id6868032872). Jon prybraŭ imia karystalnika, zatoje dadaŭ spampavanaje ź interneta fota i źmianiŭ nik.
Tak z 10 kastryčnika vyhladaje akaŭnt «Alex'a»
Akurat paśla našaj publikacyi ŭčora ŭviečary jon raźmiaściŭ čarhovyja abjavy pra pracu, choć nie rabiŭ hetaha bolš za dva tydni.
Paviedamleńni «Aleksa» za apošnija sutki
Kali vy sutykalisia z takimi abviestkami, nazirali cikavyja fakty ci viedajecie bolš, pišycie redaktaru «Našaj Nivy» ŭ TH ci na nivanasha@proton.me. Abo lubomu redaktaru ci žurnalistu «Našaj Nivy», jakoha viedajecie asabista.
My ž na siońnia bačym, jak łukašenkaŭskija śpiecsłužby pracujuć prynamsi dvuma mietadami — pošukam ludziej niepasredna praz svaich supracoŭnikaŭ dy pošukam ludziej praź cieniavyja «biržy pracy». My majem zafiksavanyja fakty, što z akaŭntaŭ, ź jakich šukali ludziej dla śpiecapieracyj u Vilni, pracavali i pa nielehalnaj mihracyi dy nielehalnym biznesie ŭ krainach pa-za miežami Jeŭrasajuza.
Kali vam važnaja praca, jakuju robiać žurnalisty «Našaj Nivy», padtrymajcie nas danatam praz «Patreon».
«Siarhiej» nie adzin. Voś jak KDB prapanuje zarabić na sačeńni za biełaruskimi emihrantami
Na ŭjeździe ŭ Vilniu namalavali nadpis «Vilnia naša» z bčb-ściaham. Voś jak zamaŭlajuć takija hrafici