Пасля ўчорашняй публікацыі «НН» з «Сяргеем» і «Алексам» адбыліся метамарфозы
«Наша Ніва» знайшла інтрыгоўныя факты ў чатах эмігрантаў, прысвечаных пошукам працы і бытавым пытанням. Прычым не толькі ў чатах беларускай дыяспары. Агенты КДБ прапаноўвалі там зарабіць на сачэнні за беларускімі эмігрантамі.
10.10.2024 / 20:21
Беларуская эміграцыя стала галоўным аб'ектам увагі лукашэнкаўскіх спецслужбаў. Ілюстрацыйнае фота Artur Widak / NurPhoto via Getty Images
Рэакцыя не прымусіла сябе чакаць.
Карыстальнік «Сяргей» (@gfst1297, ID 5988969326), які шукаў людзей, якія будуць рабіць відэа з беларускіх акцый на Дзень Волі, забараніў сабе пісаць усім, у каго няма прэміум-акаўнта.
Скрыншот акаўнта карыстальніка, якога завуць «Сяргей», зроблены 10 кастрычніка
І акурат пасля нашай публікацыі, ён, які ўвесь час маўчаў, актывізаваўся і напісаў у чат беларусаў Германіі на бытавую тэму. Раней ён ніколі так не рабіў.
Пры гэтым ён не выпіліўся з чатаў, а, наадварот, уступіў у пару новых чатаў дыяспары.
Паведамленні «Сяргея» ў чаце беларусаў Германіі
Яшчэ большая метамарфоза адбылася з акаўнтам «alex060580» (id6868032872). Ён прыбраў імя карыстальніка, затое дадаў спампаванае з інтэрнэта фота і змяніў нік.
Так з 10 кастрычніка выглядае акаўнт «Alex'а»
Акурат пасля нашай публікацыі ўчора ўвечары ён размясціў чарговыя аб'явы пра працу, хоць не рабіў гэтага больш за два тыдні.
Паведамленні «Алекса» за апошнія суткі
Калі вы сутыкаліся з такімі абвесткамі, назіралі цікавыя факты ці ведаеце больш, пішыце рэдактару «Нашай Нівы» ў ТГ ці на nivanasha@proton.me. Або любому рэдактару ці журналісту «Нашай Нівы», якога ведаеце асабіста.
Мы ж на сёння бачым, як лукашэнкаўскія спецслужбы працуюць прынамсі двума метадамі — пошукам людзей непасрэдна праз сваіх супрацоўнікаў ды пошукам людзей праз ценявыя «біржы працы». Мы маем зафіксаваныя факты, што з акаўнтаў, з якіх шукалі людзей для спецаперацый у Вільні, працавалі і па нелегальнай міграцыі ды нелегальным бізнэсе ў краінах па-за межамі Еўрасаюза.
Калі вам важная праца, якую робяць журналісты «Нашай Нівы», падтрымайце нас данатам праз «Патрэон».
«Сяргей» не адзін. Вось як КДБ прапануе зарабіць на сачэнні за беларускімі эмігрантамі
На ўездзе ў Вільню намалявалі надпіс «Вільня наша» з бчб-сцягам. Вось як замаўляюць такія графіці