Na Hrodzienščynie stavili darožnyja znaki, zavyšajučy kolkaść materyjałaŭ u 25 razoŭ
U Hrodzienskaj vobłaści na ŭstanoŭku adnaho darožnaha znaka pa dakumientach tracili kubamietr bietonu. Ale Kamitet dziaržaŭnaha kantrolu śćviardžaje, što patreba ŭ bietonie była zavyšanaja ŭ dziasiatki razoŭ.
10.10.2024 / 16:53
Fakty zavyšeńnia koštu budaŭniča-mantažnych rabot vyjaviŭ KDK u adnoj z arhanizacyj, jakaja zajmajecca ŭparadkavańniem vulična-darožnaj sietki na Hrodzienščynie.
«Zhodna z pradjaŭlenymi arhanizacyjaj raźlikami, dla rableńnia padmurka pry ŭstalavańni adnoj stojki darožnych znakaŭ spatrebiŭsia 1 kubamietr bietonnaj sumiesi, što bolš čym u 25 razoŭ vyšej za patreby ŭ bietonie dla vykanańnia hetaha vidu rabot», — paviedamlaje KDK.
Ciapier kantralory robiać raźliki sumy zavyšeńnia koštu rabot pry ŭstaloŭcy 37 darožnych znakaŭ.
Akramia taho, u chodzie kantrolu za realizacyjaj mierapryjemstvaŭ dziaržprahramy «Darohi Biełarusi» dziaržkantralorami na niekatorych učastkach aŭtamabilnych daroh byli vyjaŭlenyja roznyja defiekty: razbureńnie defarmacyjnych švoŭ, karozija parenčavych aharodžaŭ na puciepravodach i mastach, jakija ŭtvarylisia ŭ harantyjny pieryjad ekspłuatacyi.
Dziaržkantrol uziaŭsia za «Jedastaŭku» — pravierki projduć pa ŭsioj krainie
Z vypusknikoŭ, jakija nie adpracavali pa raźmierkavańni, spahnali amal 200 tysiač rubloŭ
Pačałasia rehistracyja na repietycyjnaje teściravańnie. Kolki heta kaštuje?