Biełarus z ZŠA pryjechaŭ u Biełaruś. Jaho zatrymali i sudziać pa čatyroch palityčnych artykułach
Pra zatrymańnie Alaksandra Sudnikoviča stała viadoma ŭ kancy maja.
10.10.2024 / 15:01
64-hadovy Alaksandr Sudnikovič na videa siłavikoŭ kazaŭ, što jon u 2021 hodzie pakidaŭ kamientary z uchvaleńniem dziejańniaŭ Andreja Zielcera, jaki zahinuŭ padčas pierastrełki supracoŭnikam KDB Dźmitryjem Fiedasiukom, piša «Viasna».
Viadoma, što Alaksandr doŭhi čas žyŭ u ZŠA.
Ciapier Alaksandra abvinavačvajuć pavodle art. 361-1 KK (udzieł u ekstremisckim farmavańni), č. 1 art. 130 KK (raspalvańnie inšaj sacyjalnaj varožaści ci varažniečy), č. 2 art. 368 KK (abraza Łukašenki), art. 369 KK (abraza pradstaŭnika ŭłady). Sud nad im raspačniecca 1 listapada ŭ Minskim haradskim sudzie. Praces budzie vieści sudździa Jaŭhien Chatkievič.