Ministr abarony Izraila paabiacaŭ, što ataka na Iran budzie «śmiarotnaj, dakładnaj i niečakanaj»
Izrailskaja Rada biaśpieki siońnia abmiarkuje mahčymy ŭdar u adkaz pa Iranie.
10.10.2024 / 11:47
Joaŭ Hałant. Photo by Andrew Harnik/Getty Images
Pasiadžeńnie zapłanavaŭ premjer-ministr Bińjamin Nietańjahu. Pavodle infarmacyi žurnalistaŭ, kiraŭnik urada patrabuje adabreńnia Rady biaśpieki dla pryniaćcia kankretnych rašeńniaŭ ab vajennym adkazie na dziejańni Tehierana, piša Bild.
Na minułym tydni Iran vypuściŭ pa Izraili kala 200 rakiet, adnak hetaja ataka nie pryviała da značnych razbureńniaŭ. Akramia taho, urad u Tehieranie aktyŭna padtrymlivaje terarystyčnuju arhanizacyju «Chiezbała» ŭ Livanie i jemienskich chusitaŭ, jakija rehularna atakujuć Izrail.
«Luby, chto pasprabuje naškodzić dziaržavie Izrail, zapłacić svaju canu. Naša ataka na Iran budzie śmiarotnaj, dakładnaj i niečakanaj», — zajaviŭ ministr abarony Izraila Joaŭ Hałant.
Napiaredadni Nietańjahu ŭpieršyniu za apošnija dva miesiacy pahavaryŭ pa telefonie z prezidentam ZŠA Džo Bajdenam. Vierahodna, razmova jakraz była pryśviečana mahčymamu ŭdaru Izraila pa Iranie.