U Krasnadarskim krai USU pacelili ŭ skład z bojeprypasami
Hienštab USU śćviardžaje, što źniščany punkt zachoŭvańnia «šachiedaŭ».
09.10.2024 / 22:46
Skrynšot ź videa
Paviedamlajecca, što ŭdarnaja hrupa Vajskova-marskich sił Ukrainy sumiesna z padraździaleńniami Słužby biaśpieki Ukrainy praviała ataku na bazu zachoŭvańnia bieśpiłotnikaŭ typu «Šachied» kala nasielenaha punkta Akciabrski ŭ Krasnadarskim krai Rasii.
Pavodle najaŭnaj infarmacyi, na składzie zachoŭvałasia kala 400 udarnych dronaŭ. Jak adznačajuć u Hienštabie, zafiksavanaje dakładnaje traplańnie ŭ cel, paśla čaho adbyłasia druhasnaja detanacyja.
Apieratyŭny štab rehijona paćvierdziŭ pažar u Akciabrskim na składskich pamiaškańniach na płoščy kala 800 kvadratnych mietraŭ. Terytoryja ŭ radyusie 500 mietraŭ ad miesca pažaru była ačeplenaja.
Pra pryčyny pažaru i źmieściva składoŭ miascovyja ŭłady nie paviedamlajuć.
Što viadoma pra hihancki dron S-70 «Achotnik», źbity nad Kanstancinaŭkaj
Bieśpiłotniki nanieśli ŭdar pa składzie bojeprypasaŭ u Karačavie Branskaj vobłaści Rasii
Uzarvali aŭtamabil z načalnikam achovy Zaparožskaj AES