Piłot Turkish Airlines pamior prosta padčas rejsu
Kamandzir ekipaža samalota avijakampanii Turkish Airlines pamior padčas rejsa ź Sietła ŭ Stambuł. Praz heta pavietranamu sudnu daviałosia zrabiić ekstrannuju pasadku ŭ Ńju-Jorku, piša Euronews.
09.10.2024 / 21:55
Ilčechin Piechlivan. Fota: x.com/aviationbrk
«Ilčechin Piechlivan, kapitan-piłot našaha samalota Airbus 350 z bartavoj rehistracyjaj TC-LGR, jaki vykonvaŭ rejs № TK204 pamiž Sietłam i Stambułam, straciŭ prytomnaść padčas palotu, — paviedamiŭ padrabiaznaści incydentu pres-sakratar avijakampanii Jachja Uściun. — Kali pieršaje miedycynskaje ŭmiašańnie nie dało vynikaŭ, ekipaž pryniaŭ rašeńnie zrabić ekstrannuju pasadku, ale naš kapitan pamior da pryziamleńnia».
Piłotu, jaki pracavaŭ u Turkish Airlines z 2007 hoda, było 59 hadoŭ. Pavodle słoŭ Uściuna, u sakaviku mužčyna prajšoŭ ahlad u avijacyjnym miedycynskim centry, i ŭ jaho nie było vyjaŭlena nijakich prablem sa zdaroŭjem, jakija pieraškadžajuć vykanańniu im svaich abaviazkaŭ.
Bort Łukašenki z-za techničnych prablem viarnuŭsia ŭ Minsk bieź jaho
«Biełavija» pradaje apošni kanadski samalot sa svajho avijaparku
Jašyn: Łukašenka abmieńvaje palitviaźniaŭ na detali dla samalotaŭ «Biełavija»