Maroka z-za sankcyj moža pierastać pastaŭlać mandaryny ŭ Rasiju. U Biełaruś taksama?
Maroka moža spynić navahodnija pastaŭki mandarynaŭ u Rasiju z-za sankcyj. Adzin z asnoŭnych suśvietnych vytvorcaŭ cytrusavych užo nibyta skaračaje pastaŭki. Rasiejcy mohuć zastacca biez svajho samaha ŭlubionaha sorta, «klemiancina». A ci pahražaje niešta biełaruskim spažyŭcam, daviedałasia Tochka.by.
09.10.2024 / 18:44
«Što tyčycca mandarynaŭ sorta «klemiancin» z Maroka, to heta štohadovaja hulnia, kali papiaredžvajuć, što pastavak budzie mała, kuplajcie lepš ciapier pa hetaj canie. I z hetaha pačynajecca takaja historyja. Ale, mahčyma, sapraŭdy [pastavak u hetym hodzie] budzie mała, tamu što z tavaraŭ, jakija pastaŭlajucca z Maroka, usio daražeje ŭ apošnija niekalki siezonaŭ», — raskazała Tochka.by krynica ŭ handlovaj halinie.
Pradstaŭniki biełaruskich handlovych sietak pakul nie dramatyzujuć situacyju i ŭžo znachodziacca na suviazi z pastaŭščykami z Maroka.
«Štuka jašče takaja, što heta moža być prosta častka hulni na pavyšeńnie cany», — havoryć krynica ŭ retejle.
Adnak padstaŭ dla paniki, maŭlaŭ, niama, bo ŭ Biełarusi jość inšyja varyjanty, kab na navahodnich stałach ludziej byli mandaryny.
«U Biełarusi na Novy hod jość niekalki krynic, akramia jak z Maroka, atrymańnia mandarynaŭ sortu «klemiancin». Tamu nas heta, chutčej za ŭsio, nie zakranie, kali budzie niejkaje źnižeńnie pastavak», — śćviardžaje krynica Tochka.by.
Niahledziačy na siezon, na pryłaŭkach biełaruskich kram mandaryny jość, adnak ich košt uražvaje. Papularny resurs pa dastaŭcy tavaraŭ prapanuje za Br15 kiło cytrusavych z Paŭdniovaj Afryki.
Bjuć rekordy ceny na apielsinavy sok, jaho buduć miašać z mandarynavym
Sacsietki achapiŭ «test apielsinavaj łupiny», jaki praviaraje adnosiny z partnioram na tryvałaść
Patrycie łupinaj mandaryna nohi. Efiekt vas ździvić
Akazvajecca, mandaryny možna vyraścić u chatnich umovach
Kolki možna źjeści mandarynak, kab nie stała błaha