Armienija na pasiadžeńni ŭ Maskvie admoviłasia padpisvać dźvie zajavy ad imia SND
Armienija admoviłasia padtrymać dźvie zajavy, pryniatyja na pasiadžeńni Savieta ministraŭ zamiežnych spraŭ Sadružnaści niezaležnych dziaržaŭ, jaki adbyŭsia ŭ Maskvie.
09.10.2024 / 18:10
Ministr zamiežnych spraŭ Ararat Mirzajan — krajni sprava. Fota: MZS Armienii
U paniadziełak na pasiadžeńni prysutničaŭ ministr zamiežnych spraŭ Armienii Ararat Mirzajan. U toj ža viečar pradstaŭnik MZS Armienii abviaściŭ, što Armienija nie dałučyłasia da dźviuch zajaŭ, pryniatych raniej u toj ža dzień. Jon nie padaŭ nijakich padrabiaznaściaŭ takoha rašeńnia.
U pieršaj zajavie havaryłasia pra pryncypy supracoŭnictva ŭ harantavańni biaśpieki ŭ Jeŭrazii.
Druhaja zajava — pra niedapuščalnaść prymianieńnia adnabakovych abmiežavalnych mier u mižnarodnych adnosinach. Jana rekamiendavała dziaržavam-členam ustrymlivacca ad pryniaćcia, pašyreńnia abo prymianieńnia takich mier.
Pryniaćcie druhoj zajavy adbyłosia na fonie zachodnich sankcyj, užytych u dačynieńni da Rasii paśla jaje ŭvarvańnia va Ukrainu.
Hienprakuror Švied abmierkavaŭ u Armienii pytańnie vydačy biełarusaŭ pa zapytach režymu
Nikoł Pašynian zajaviŭ pra hatoŭnaść nieadkładna padpisać mirnuju damovu z Azierbajdžanam
U Armienii zajavili pra praduchileńnie dziaržaŭnaha pieravarotu. Ślady viaduć u Rasiju
Pašynian: ADKB stvaraje pahrozy dla biaśpieki Armienii