Kožny čaćviorty biełarus maje prablemy ź psichičnym zdaroŭjem
Ad samych raspaŭsiudžanych psichičnych parušeńniaŭ, takich jak tryvoha i depresija, cierpić kala 25% nasielnictva Biełarusi. Takuju ličbu 9 kastryčnika nazvaŭ dacent kafiedry psichijatryi, narkałohii, psichaterapii i miedycynskaj psichałohii z kursam pavyšeńnia kvalifikacyi i pierapadrychtoŭki BDMU, kandydat miedycynskich navuk Siarhiej Davidoŭski, pišuć «Minsk-Naviny».
09.10.2024 / 17:57
Fota ilustracyjnaje
«Kali my biarem takija parušeńni, jak tryvoha, depresija, razład adaptacyi, to, pavodle sučasnych daśledavańniaŭ, imi pakutuje kala 25% nasielnictva. Heta značyć kožny čaćviorty žychar krainy maje tyja ci inšyja prablemy, źviazanyja ź psichičnym zdaroŭjem. Ad depresii cierpiać 5% nasielnictva — tolki ŭdumajciesia, i ŭ dapamozie majuć patrebu bolš za 450 tys.čałaviek», — adznačyŭ Siarhiej Davidoŭski.
Pavodle jahonych słoŭ, upłyŭ psichičnych parušeńniaŭ źjaŭlajecca adnym z faktaraŭ ryzyki raźvićcia roznych samatyčnych parušeńniaŭ — ad sardečna-sasudzistych da ankałahičnych.
Pabačyŭšy vajnu, nie viedaŭ, jak žyć dalej. Manałoh biełaruski, jakaja pieražyła suicyd muža
Prymać testasteron tak kajfova. Ale mužčyny paśla horka raspłačvajucca