Vučebna-bajavyja Jak-130 palacieli z Babrujska ŭ Lidu
7 kastryčnika dva vučebna-bajavyja samaloty Jak-130 116-j šturmavoj avijacyjnaj bazy VPS RB (v/č 19764) palacieli z aeradroma «Babrujsk» na aeradrom pastajannaha bazavańnia ŭ Lidzie, piša Biełaruski Hajun.
09.10.2024 / 14:36
Samaloty znachodzilisia ŭ Babrujsku z 11 vieraśnia. Za hety čas jany ździejśnili nie mienš za 6 samalotavyletaŭ.
Pierakidka vučebna-bajavych Jak-130 adbyłasia paśla vyvadu čatyroch šturmavikoŭ Su-25, jakija ŭ ramkach «uzmacnieńnia achovy miažy z Ukrainaj» miesiac znachodzilisia na aeradromie «Babrujsk». Vierahodna, anałahičnyja mety pieraśledavała i raźmiaščeńnie dvuch Jak-130.
Pieramiaščeńnie avijacyjnych padraździaleńniaŭ US RB z aeradromaŭ pastajannaha bazavańnia na apieratyŭnyja aeradromy nie fiksujecca. Nie vyklučana, što ŭ vyniku čarhovaj ratacyi na aeradromie «Babrujsk» znoŭ buduć raźmieščany samaloty abo viertaloty VPS RB.