Vyjšła novaja kniha #IMBY pra biełaruskuju historyju 1991-2005 hadoŭ
Jaje aŭtar — Pavieł Vałatovič. Kniha raskazvaje najnoŭšuju historyju Biełarusi praz artykuły ŭ hazietach, knihi, kancerty, spartyŭnyja matčy, kancerty i muzyčnyja albomy, mitynhi, nadpisy na ścienach i ŭlotki na słupach, hrošy, dakumienty i inšaje, paviedamlaje Biełaruski instytut publičnaj historyi.
09.10.2024 / 14:18
Vydańnie źmiaščaje bahaty fotamateryjał i fotazdymki ŭnikalnych i redkich pradmietaŭ z asabistaj kalekcyi aŭtara. Pa maniery padačy #IMBY možna paraŭnać z «Namiedni» Leanida Parfionava.
Pavieł Vałatovič
Pakul vyjšaŭ pieršy tom, jaki achoplivaje pieršyja 15 z 30 hadoŭ niezaležnaści Biełarusi. Vydańnie na rasijskaj movie i ŭ miakkaj vokładcy. Aŭtar abiacaje, što da kanca hoda źjavicca biełaruskaja viersija ŭ ćviordym pieraplocie. Druhi tom pra padziei 2006—2019 moža być padrychtavany naprykancy 2025 hoda.
8 kastryčnika kniha była prezientavana ŭ Varšavie na biełaruskich aŭtorkach Witryny Domu Wschodniego. 12 kastryčnika jaje prezientacyja adbudziecca ŭ Vilni ŭ Biełaruskim domie a 17.00.
Pavieł Vałatovič, non-fiction piśmieńnik, jaki pastajanna žyvie ŭ Ńju-Jorku, aŭtar bijahrafii «Niejra Dziubiela» «Ohromnaja tień doždievoho čiervia» i hajda pa tusovačnym Minsku 90-ch «Ot Panikovki do Šajby».