Pad Pinskam nakłali aryšt na baćkoŭskuju chatu kiraŭnika «Biełsata»
Pra aryšt baćkoŭskaj chaty vykanaŭcy abaviazkaŭ dyrektara telekanała «Biełsat» Alaksieja Dzikavickaha jamu samomu stała viadoma siońnia. Ale aryšt byŭ nakładzieny jašče 26 vieraśnia, paviedamlaje «Biełsat».
08.10.2024 / 22:50
Chatu, jakuju chočuć zabrać łukašysty, pabudavaŭ dzied Alaksieja Dzikavickaha kala 100 hadoŭ tamu ŭ vioscy Miestkavičy Pinskaha rajona.
«Ja ros tam da škoły, adtul vioz na mohiłki dziadoŭ i baćkoŭ, heta samaje darahoje dla mianie miesca. Kaliści dziadula z babulaj dazvolili na šmat hadoŭ vučycca tam dzieciam, pakul u vioscy budavali škołu», — kaža Alaksiej Dzikavicki.
Kali na majomaść čałavieka nakładajuć aryšt, jon nie maje mahčymaści joj rasparadžacca: nielha pradać, padaryć, abmianiać albo rabić inšyja padobnyja dziejańni.
Dzikavicki: Kamanda «Biełsata» amal nie maje nijakaha ŭpłyvu na situacyju
Kiraŭnik «Biełsata» adkazaŭ na abvinavačańni ŭ finansavych złoŭžyvańniach na kanale
Kiraŭnik «Biełsata» raskazaŭ, jak schudnieŭ na 35 kiłahramaŭ