U Hrodzienskaj vobłaści vyraścili hihancki burak FOTAFAKT
Vyciahvali ź ziamli, jak u dziciačaj kazcy.
08.10.2024 / 07:38
Jak paviedamlaje Newgrodno, pad Skidzielem vyraścili hihancki burak. Važyŭ płod bolš za 4,5 kiłahrama, i vyciahvać jaho ź ziamli daviałosia nie adnamu čałavieku.
Vaha buraka składaje zvyčajna 600 hr
Taki niezvyčajny karniapłod źjaviŭsia ŭ Siarhieja i Ludmiły. Pad Skidzielem u ich aharod la baćkoŭskaha doma.
«Usio rabili jak zvyčajna. Prostaja ziamla, samaje zvyčajnaje nasieńnie z rynku, prapołka i paliŭ u samy suchi čas. Z uhnajeńniaŭ — tolki naturalny hnoj», — raspaviali muž i žonka.
Pry hetym vaha buraka-rekardsmiena našmat bolšaja za tuju, što vyraścili ŭ Hrodzienskaj vobłaści. U 2019 hodzie ŭ Vialikabrytanii vyraścili karaniapłod, vaha jakoha skłała 23,995 kiłahrama.