За апошні год у Ізраіль рэпатрыяваліся 795 грамадзян Беларусі
Беларусь стала шостай краінай па колькасці грамадзян, якія пераехалі ў Ізраіль з 16 верасня 2023 года па 19 верасня 2024 года ў межах праграмы рэпатрыяцыі. Такія даныя змяшчаюцца ў сумеснай справаздачы Міністэрства рэпатрыяцыі і інтэграцыі Ізраіля і Яўрэйскага агенцтва (Сахнут), паведамляе партал vesty.co.il.
07.10.2024 / 20:32
Фота ілюстрацыйнае
Усяго ў Ізраіль за гэты перыяд пераехалі 31 тысяча чалавек з амаль 100 краін свету, гаворыцца ў дакуменце.
Больш за ўсё рэпатрыянтаў прыбыло з Расіі — 19 850, далей ідуць ЗША і Канада — 3340 разам, Францыя — 1820, Украіна — 980, Беларусь — 795, Вялікабрытанія — 560, Аргенціна — 450, Грузія — 320, ПАР — 250.
31% рэпатрыянтаў складаюць людзі ва ўзросце ад 18 да 35 гадоў, 21% — 36-50, 20% — 0-17, 13% — 51-60, 5% — 61-65, астатнія — старэйшыя за 65 гадоў. 52% рэпатрыянтаў — жанчыны, 48% — мужчыны.
У справаздачы адзначаецца, што гэтая хваля рэпатрыяцыі адбылася на фоне абвастрэння сітуацыі ў рэгіёне, выкліканага нападам групоўкі ХАМАС на Ізраіль 7 кастрычніка 2023 года.
СМІ даведаліся пра гібель пераемніка Насралы пасля чарговага ўдару Ізраіля
Трамп заклікаў Ізраіль нанесці ўдары па ядзерных аб'ектах Ірана
Памочнікі Палесціны сталі фаварытамі Нобелеўскай прэміі міру. Як так атрымалася?