Łukašenka padpisaŭ ukaz, jaki dazvalaje źbivać drony lubym siłavikam
Łukašenka 7 kastryčnika padpisaŭ ukaz «Ab spynieńni palotaŭ avijamadelaŭ i bieśpiłotnych latalnych aparataŭ», paviedamlaje pres-słužba palityka.
07.10.2024 / 19:56
Fota ilustracyjnaje
Jak paviedamlajecca, ukaz vydadzieny ŭ metach «narmatyŭnaha zamacavańnia prava na prymianieńnie fizičnaj siły, śpiecyjalnych srodkaŭ, zbroi, bajavoj i śpiecyjalnaj techniki nie tolki ŭ dačynieńni da avijamadelaŭ i BPŁA, ale i bieśpiłotnych pavietranych sudnaŭ, bieśpiłotnych transpartnych srodkaŭ, uklučajučy padvodnyja i nadvodnyja sudny, naziemnyja aparaty i kompleksy, kiravańnie jakimi ažyćciaŭlajecca dystancyjnym sposobom abo ŭ aŭtamatyčnym režymie».
U adpaviednaści z ukazam prava na prymianieńnie zbroi i śpiecyjalnych srodkaŭ u dačynieńni da bieśpiłotnych aparataŭ razam z vajskoŭcami i supracoŭnikami orhanaŭ unutranych spraŭ nadzielenyja taksama supracoŭniki inšych vajenizavanych arhanizacyj.
Pad takimi arhanizacyjami razumiejucca orhany prakuratury, Śledčy kamitet, Dziaržaŭny kamitet sudovych ekśpiertyz, orhany finansavych rasśledavańniaŭ Kamiteta dziaržaŭnaha kantrolu, dziaržaŭnaja inśpiekcyja achovy žyviolnaha i raślinnaha śvietu pry Łukašenku, orhany i padraździaleńni pa nadzvyčajnych situacyjach, mytnyja orhany.
Minimum čatyry šachiedy zalacieli ŭ Biełaruś za noč i ranicu
KDB zatrymaŭ žančynu, z doma jakoj było źniata videa padzieńnia šachieda ŭ Kalinkavičach
Stała viadoma prybliznaje miesca padzieńnia rasijskaha BPŁA ŭ Kalinkavičach
Try «šachiedy» zalacieli ŭ Biełaruś, u niebie ciapier i viertalot Łukašenki